Оршуулгын үйл ажиллагаа, шашны байр суурь,
нөлөөлөлтэй холбоотой асуулт хариулт

01 Чөлөөлөх талбайд бурхан болоочоо орсон эсэхийг яаж мэдэх вэ?

2026 оны тухайд самбалхүндэвийн гол хэсгээр байрлах 18,1 га газрыг хэсэгчлэн чөлөөлөх болсон бөгөөд www.ubcemetery.mn сайт руу орж бурхан болоочоо хайх цэснээс хайх, санал хүсэлт өгөх боломжтой бөгөөд нүүлгэн шилжүүлэлтийн лавлах утас 72-100-101 утаснаас дэлгэрэнгүй лавлаж болно.

02 Нүүлгэн шилжүүлэх ажлыг ямар тушаал шийдвэрээр шилжүүлж байгаа вэ?

УИХ-ын 2013 оны 23-р тогтоол, Улаанбаатар хотын 2020 он хүртэл хөгжүүлэх ерөнхий төлөвлөгөөний тодотгол, 2030 он хүртэлх хөгжлийн чиг хандлагын баримт бичгүүдэд тус оршуулгын газрыг өөрчлөн шинэчилж хүндэтгэлийн цэцэрлэгт хүрээлэн байгуулах тухай тусгасан байдаг. НИТХ-ын Тэргүүлэгчдийн 2021 оны 09-р сарын 06-ны өдрийн хуралдаанаар уг асуудлыг дахин хэлэлцэж Самбалхүндэвийн оршуулгын газрын газрыг хэсэгчлэн чөлөөлөх шийдвэрийг баталж өнгөрсөн хугацаанд 4 удаагийн хэсэгчлэн нүүлгэн шилжүүлэлтийг хийсэн байдаг. 2026 оны хувьд Нийслэлийн захирагчийн ажлын алба болон Чингэлтэй дүүргээс тус ажлыг хийж гүйцэтгэхээр нээлттэй тендер зарлаж сонгон шалгаруулах гэж байна.

03 Ар гэрийнхэн биеээр очиж уулзаж мэдээлэл авах, нүүлгэн шилжүүлэлтэнд биечлэн оролцох боломжтой юу?

Биечлэн мэдээлэл өгөх, санал хүсэлт авах байршлууд:

  • Дүнжингарав — Нийслэлийн нэг цэгийн үйлчилгээ
  • Самбалхүндэв — "Хүндэтгэлийн цэцэрлэгт хүрээлэн"-д
  • Улаанбаатар буян ХХК-ын төв байранд

Гэсэн 3 байршилд уулзах боломжтой бөгөөд захиалагч талын заагдсан хугацаанд ар гэрийнхний санал хүсэлтийг харгалзан үзэж нүүлгэн шилжүүлэлтийн ажлыг ар гэрийнхний хамт зохион байгуулна.

04 Бурхан болоочийнхоо булш бунханы байршилыг мэдэхгүй хайгаад олохгүй тохиолдолд яах вэ?

Хамгийн сүүлийн үеийн булш бунханы тооллогоор нийт самбалхүндэвийн оршуулгын газрын бүх бурхан болоочдын 70% нь тодорхой хэмжээний эвдрэл гэмтэлтэй байсан тул хөшөө чулуугүй болсон, унасан, бичилт нэр арилсан, тоногдсон нөхцөл байдалтай байж болзошгүй бөгөөд бурхан болоочоо хайсан олохгүй байгаа хүмүүс их хандах болсон. Энэ тохиолдолд дараах арга хэмжээг авахыг зөвлөж байна:

  • Ар гэрийнхний 5–6 хүн цугларч тухайн газрыг самнах
  • УБЕГ болон Нийслэлийн Архивын газраас лавлагаа авч мэдээлэл тулгах
  • Нүүлгэн шилжүүлэлтийн хариуцсан ажилтнуудад бүртгүүлэх
05 Самбалхүндэвийн оршуулгын газрыг яагаад нүүлгэн шилжүүлэх ёстой вэ?

Суурьшлын бүсэд оршуулгын газар байгаа нь нийслэл хотын иргэд бидний эрүүл аюулгүй орчинд амьдрахад ноцтой хор нөлөө үзүүлж байгаа юм. Далд оршуулсан нэг шарил дунджаар 60–70 жилд бүрэн задардаг гэсэн эрдэмтдийн судалгаа байдаг. Тодруулбал, кадми, мөнгөн ус зэрэг байгальд задардаггүй хорт бодисууд шарилаас ялгарч агаар, хөрсийг бохирдуулдаг. Тус оршуулгын газар нь Чингэлтэй дүүргийн 7, 10, 11, 12-р хороодын нутаг дэвсгэрт оршдог бөгөөд Нийслэл хотын иргэдийн хүнсний хэрэгцээгээ хангадаг Хүчит шонхор зах салхин дор нь байрлаж байна. Иймд Самбалхүндэвийн оршуулгын газрыг нэн яаралтай чөлөөлөх шаардлага үүссэн.